By: Dimitry Charles
Photo: Ody Bien-Eugène | Juno7
Yon elèv NS1 nan lekòl Mè Boudon tante tiye tèt li paske li pa pase, swivi sikolojik gen pou fèt pou li
Yon elèv ki nan NS1 ki rele Hillary Salomon, nan mè Charite Sen Lwi anpil moun konnen sou non mè Boudon, te tante swiside tèt li jodi lendi 5 jiyè 2021 pandan yo t ap bay kanè.
Nan yon videyo ki t ap sikile sou rezo sosyo yo montre elèv la an inifòm, sou tèt lekòl la kanpe pou voye kò l anba. Sa ki te fè anpil moun afole, rele anmwe , paran lòt elèv ki te twouve yo nan espas la.
Redaksyon Juno7 la te rive sou plas kote sè Yverose Lazarre t ap eksplike pou fè konnen elèv sa pa t arive fè mwayèn jeneral ke lekòl la mande a. Li fè yon mwayèn 4, 42 premye fwa, yon lòt mwayèn 5,51 pou 2è kontwòl epi yon lòt mwayèn 4,95. Mwayèn sa yo pa t rive bay mwayèn jeneral lekòl la mande a pou monte nan klas siperyè, kote bilan total pa l la se 4,83, pandan ke lekòl la mwayèn jeneral la dwe 5,50 daprè eksplikasyon direktris la.
Photo: Ody Bien-Eugène | Juno7